Дойыр
(көне.)жуан өрімді қамшы, он алты немесе он сегіз таспадан өріледі, кейде жұмыр болып келеді. Дойыр өгіздің иленген жон терісінен таспаланып өріледі. Әдетте, дойыр ырғай не тобылғы, кейде қошқар мен текенің мүйізіне, қарақұйрық пен еліктің сирағына сапталады. Өрімі мен сабы алақан арқылы бекітіледі. Алақанның сапқа бекітілген ұшының үстіне сәндік үшін жұқа жез қапталады. Д-дың сабы да күміс жезбен әшекейленіп, қолға ұстайтын жағына бүлдіргі өткізіледі. Дойыр көбіне қару ретінде қолданылған. Дыра, бұзау тіс қамшы деп аталатын түрлері де болған.